O propósito principal desta asignatura é proporcionar ao estudante as bases para a comprensión e dominio dos principios de funcionamento dos dispositivos e circuítos electrónicos. Comézase cunha breve introdución á Electrónica con obxecto de proporcionar aos estudantes unha visión global. A continuación impártense conceptos básicos sobre os dispositivos e circuítos electrónicos fundamentais:· Diodos e circuítos con diodos, incluíndo conceptos como liña de carga, diodos ideais, rectificadores, conformadores de onda, circuítos lóxicos, reguladores de tensión e física de dispositivos.· Características dos transistores bipolares, análise de liña de carga, modelos de gran sinal, polarización.· Estudo similar ao anterior dos FET, destacando os MOSFET.· Comprobación de deseños dos circuítos estudados utilizando SPICE. Montaxe e verificación utilizando instrumentación electrónica de laboratorio.· Circuítos lóxicos dixitais, facendo especial fincapé na tecnoloxía CMOS. Conceptos básicos sobre circuítos lóxicos, inversor CMOS, portas NOR e NAND.Tamén se realiza unha breve introdución á optoelectrónica e aos dispositivos optoelectrónicos básicos e os seus principios de funcionamento.Por outra banda, no marco da asignatura ten lugar o primeiro contacto do alumno co laboratorio de electrónica. Por iso, o obxectivo fundamental da parte práctica da asignatura é que o alumno adquira as bases para un correcto manexo dos instrumentos máis habituais nos laboratorios de electrónica. O alumno, ao finalizar a asignatura, debe coñecer e saber manexar correctamente os instrumentos de laboratorio, debe distinguir e caracterizar os diferentes compoñentes, e ter habilidades prácticas na montaxe e medida. Ademais iniciarase aos alumnos na simulación de circuítos, con obxecto de introducilos cara ao deseño asistido por ordenador.
