1. Avaliación continua Seguindo as directrices propias da titulación e os acordos da comisión académica ofrecerase aos alumnos que cursen esta materia un sistema de avaliación continua. Os alumnos que se presenten á primeira proba de resolución de problemas y/ou exercicios considerarase que optan por a avaliación continua. Aqueles alumnos que non se presenten á primeira proba de resolución de problemas y/ou exercicios considerarase que renuncian á avaliación continua e só poderán presentarse ó exame final. Os alumnos que non sigan a avaliación continua e non se presenten ó exame final tendrán a consideración de "non presentados". 1.a Observación sistemática Os profesores avaliarán a asistencia do alumno a clases e a realización das súas tarefas autónomas, obtendo o alumno unha valoración de 0 a 10 (OS). A nota final da observación sistemática (NOS) será: NOS = 0,5*OS 1.b Teoría Realizaranse 4 probas de resposta curta (tipo test e/ou cuestións) debidamente programadas ao longo do curso. Estas probas valoraranse de 0 a 10 e a nota final destas probas será a media (NPRC -> Nota Probas Resposta Curta): NPRC = (NPRC1 + NPRC2 + NPRC3 + NPRC4)/4 Realizaranse 2 probas de resolución de problemas e/ou exercicios debidamente programadas ao longo do curso. Estas probas valoraranse de 0 a 10 e a nota final será a media (NPE -> Nota de Problemas e/ou Exercicios): NPE = (NPE1 + NPE2)/2 Para aprobar a materia é necesario obter un mínimo de 3 puntos en cada unha destas probas (NPE1 >= 3 e NPE2 >= 3). A nota final de teoría (NT) será: NT = 0,2*NPRC + 0,4*NPE As probas non son recuperables, é dicir, que si un alumno non pode asistir o día en que estean programadas o profesor non ten obrigación de repetilas. A nota das probas ás que falte será de 0. 1.c Práctica Realizaranse 2 probas prácticas debidamente programadas ao longo do curso. Estas probas valoraranse de 0 a 10 e a nota final das prácticas (NP) será: NP = 0,35*[(NP1 + NP2)/2] As probas prácticas non son recuperables, é dicir, que si un alumno non pode asistir o día en que estean programadas o profesor non ten obrigación de repetilas. A nota das probas ás que falte será de 0. 1.d Nota final da materia Para poder aprobar a materia débese obter un mínimo de 4 puntos sobre 10 en teoría (NT >= 2,4) e en prácticas (NP >= 1,4). Tamén é necesario obter un mínimo de 3 puntos sobre 10 en cada unha das 2 probas de resolución de problemas e/ou exercicios (NPE1 >= 3 e NPE2 >= 3) A nota final (NF) será: Si NT >= 2,4 e NP >= 1,4 e NPE1 >= 3 e NPE2 >= 3 => NF = NOS + NT + NP Si NT < 2,4 ou NP < 1,4 ou NPE1 < 3 ou NPE2 < 3 => NF = min {4,5; NOS + NT + NP} 2. Exame final Os alumnos que non opten pola avaliación continua ou saquen unha nota final menor que o 5 (suspenso) na avaliación continua, poderán presentarse a un exame final. O exame final terá unha parte teórica e outra práctica. A parte teórica realizarase nas datas que estableza a xefatura de estudos da Escola e consistirá nunha proba que poderá ter preguntas tipo test e/ou preguntas curtas e/ou resolución de problemas e/ou exercicios. Esta proba se avaliará de 0 a 10 e a nota final de teoría (NT) será a nota da proba multiplicada por 0,6. O exame práctico realizarase no laboratorio correspondente, onde se impartiron as clases de prácticas, nas datas que estableza a xefatura de estudos da Escola e consistirá nunha proba práctica que se avaliará de 0 a 10 e a nota final de prácticas (NP) será a nota da proba multiplicada por 0,4. Por motivos de organización dos grupos de exame, os profesores da materia abrirán un prazo para que os alumnos que se queiran presentar ao exame final de prácticas inscríbanse. Só poderán presentarse ao exame final de prácticas aqueles alumnos que se inscribiron en tempo e forma de acordo ás normas indicadas polos profesores na convocatoria correspondente. Os alumnos que optaran pola avaliación continua e houberan suspendido e preséntense ao exame final poden facelo só á parte teórica ou á práctica ou ás dúas. Conservaráselles a nota que saquen na avaliación continua da parte á que non se presenten sempre e cando obtivesen os mínimos marcados no proceso de avaliación continua. Se non se presentan á parte práctica, recalcularase a nota de prácticas (NP) da avaliación continua multiplicando por 0,4 en vez de por 0,35. A nota final da materia será: Si NT >= 2,4 e NP >= 1,6 => NF = NT + NP Si NT < 2,4 ou NP < 1,6 => NF = min {4,5; NT + NP} 3. Sobre a convocatoria de recuperación (xullo) A convocatoria de recuperación (xullo) constará dunha parte teórica e outra práctica co mesmo formato que o exame final. Os alumnos que se presenten a esta convocatoria poden facelo só á parte teórica ou á práctica ou ás dúas. Conservaráselles a nota que saquen na convocatoria ordinaria (avaliación continua ou exame final). O cálculo da nota final da convocatoria de recuperación realizarase como se explica no apartado 2. A nota final da materia será a mellor da obtida polo alumno na convocatoria ordinaria e a de recuperación. Por motivos de organización dos grupos de exame, os profesores da materia abrirán un prazo para que os alumnos que se queiran presentar ao exame de recuperación de prácticas inscríbanse. Só poderán presentarse ao exame de recuperación de prácticas aqueles alumnos que se inscribiron en tempo e forma de acordo ás normas indicadas polos profesores na convocatoria correspondente. 4. Validez das cualificacións As cualificacións do alumno das partes teórica e práctica da materia serán válidas só para o curso académico nas que se obteñen. |