O alumnado poderá elixir ser avaliado mediante o sistema de avaliación continua (AC), ou alternativamente optar por unha proba de Avaliación Global (AG). A avaliación por defecto é a AC. O procedemento para elixir a AG será por medio dunha enquisa que será habilitada en Moovi ao comezo do cuadrimestre. A data límite para cubrir a devandita enquisa será o 1 de marzo de 2025. A elección de AG supón a renuncia ao dereito de seguir avaliándose mediante as actividades de AC que resten e á cualificación obtida ata ese momento en calquera das probas que xa tiveron lugar.

• AC. En caso de non renunciar á avaliación continua:
• Avaliación: O alumnado terá tres probas de avaliación continua ao longo do cuadrimestre que consistirán na resolución de problemas e/ou exercicios cos pesos sobre a cualificación final que se indican:  a primeira proba (AC1) terá un peso dun 40%, a segunda proba (AC2) terá un peso dun 20% e a terceira proba (AC3) terá un peso do 40%. A última destas probas terá lugar o mesmo día que a data oficial de EG da primeira oportunidade.
• Non haberá unha nota mínima en cada unha das partes.
• A nota mínima para aprobar será de 5 puntos.
• As prácticas non son obrigatorias.
• Considerarase que o alumnado se ten presentado á avaliación continua cando se teña presentado a algunha das probas/actividades de avaliación desta modalidade. Se non se presenta a ningunha das probas, figurará nas actas como "non presentado".
• AG na primeira oportunidade (convocatoria de maio-xuño II cuatrimestre). O alumnado será avaliado mediante unha proba de avaliación global que supoñerá o 100% da nota. A nota mínima para aprobar será de 5 puntos. 
• AG na segunda oportunidade (convocatoria extraordinaria de xullo) e na convocatoria de Fin de Carreira. O alumnado será avaliado mediante unha proba de avaliación global que supoñerá o 100% da nota. A nota mínima para aprobar será de 5 puntos.