Esta materia está orientada a que o alumno desenvolva os principios técnicos da comunicación eficaz e as claves da comunicación non verbal a nivel interpersoal como nas súas exposicións en público. O alumno aprenderá a tomar conciencia dos hábitos posturais e a explorar as posibilidades expresivas do corpo; aprenderá a adestrar a voz mediante técnicas de emisión e proxección vocal e a analizar e a manexar o espazo de acción e a posta en escena durante unha presentación. Recoñecerá e manexará axeitadamente os sinais non verbais en ámbitos comunicativos concretos: presentacións, negociacións, entrevistas de traballo, etc.
