PRIMEIRA EDICIÓN DE ACTAS

Na 1ª edición de actas o alumnado será avaliado mediante o sistema de
avaliación continua indicado máis arriba.

As probas prácticas na aula terán lugar unha en novembro e outra en decembro, en horario de aulas, e terán que superar
cun mínimo dun cinco cada una das partes en calquera das modalidades. De non ser así, a/o estudante terá que ir ao exame final na segunda edición de actas de Xullo.

Para aprobar a materia será necesario ter entregado os traballos na data requirida, sinalada no primeiro mes do curso. As probas non entregadas contarán como un cero.

O alumnado que, POR MOTIVOS XUSTIFICADOS, non poida realizar a avaliación
continua deberá falar co profesorado ao comezo do curso. Nese caso, e só nese
caso, poderán examinarse do 100% da materia polo sistema de avaliación única. O exame de avaliación única será cualificado con 50% teoría,
50% práctica cun mínimo dun 5/10 para facer a media. A data do exame será no período de exames na data establecida pola Xunta de FFT.

Na segunda edición de actas (xullo) haberá un exame polo 100% da
cualificación (50% teoría, 50% práctica) (necesario un mínimo dun 5/10 para facer a media aritmética), para o alumnado que non
superara a materia na primeira edición de actas. O exame será de comprensión/expresión escrita y oral, e terá lugar no período de exames de xullo na data establecida pola Xunta de FFT.

NOTAS XERAIS

A copia ou plaxio total ou parcial en calquera tipo de traballo ou exame
suporá un suspenso global na materia. Alegar descoñecemento do que supón
un plaxio non eximirá o alumnado da súa responsabilidade neste aspecto.

Recoméndase o traballo continuado e a consulta frecuente dos medios de
comunicación franceses.