Para superar a avaliación continua será necesario: 

• 1) Aprobar cada unha das destrezas comunicativas (proba oral: 25%, traballos escritos: 25%, lectura e vocabulario: 20%, escoita: 15%, e gramática e uso: 15%). Terase que acadar unha porcentaxe mínima de puntuación (5/10) en todas as probas específicas para calcular as porcentaxes da nota final e unha nota final mínima de 5. De non cumprirse este requisito, aínda que a media aritmética de todos os compoñentes sexa 5 ou superior, a/o
  alumna/o non superará a materia e deberá presentarse ao exame de recuperación das partes non superadas. Cando a
  media das partes sexa superior a 5 pero algunha das partes teña unha nota inferior a 5, a cualificación da acta será de 4
  (Suspenso).
  No caso de acadar un suspenso na nota global na primeira edición de actas, se a/o estudante aproba un ou máis
  compoñentes, gardaráselle a nota dese(s) compoñente(s), polo que so terá que recuperar as partes suspensas na segunda
  edición de actas (xuño/xullo).
• As probas e os traballos que a/o estudante non realice ou non entregue contarán como un 0. Na segunda edición de actas (ver sección B máis abaixo) o alumnado só terá que presentarse ás destrezas suspensas. 
• 2) Realizar unha proba oral (25%) que terá lugar no período oficial de exames. A data será acordada co alumnado con antelación. 
• 3) Realizar 3 traballos escritos (25%) que serán entregados progresivamente ó remate das unidades principais do temario e realizados na aula 
• 4) Realizar unha proba escrita para avaliar as competencias de lectura e vocabulario (20%), escoita (15%) e gramática e uso (15%) que terá lugar na data oficial aprobada pola Xunta de Centro.

A.2) Avaliación única

O alumnado que non realice ningunha das probas parciais poderá presentarse á avaliación única, que consistirá nunha única proba global final que computará o 100% da cualificación final e que terá lugar na data oficial aprobada pola Xunta de Centro. A proba única constará das seguintes partes: proba oral (25%), traballo escrito (25%), lectura e vocabulario (20%), escoita (15%) e gramática e uso (15%). A hora da proba oral será acordada co alumnado con antelación. 

Para superar dita proba global o alumnado ten que aprobar todas as partes cunha porcentaxe mínima de puntuación (5/10) e unha nota final mínima de 5. Conservaranse as partes aprobadas para a segunda edición de actas.

  

B) SEGUNDA EDICIÓN DE ACTAS (xullo):

O alumnado que se presentase á primeira edición de actas e que teña suspensa alguna das destrezas, soamente ten que recuperar a(s)destreza(s) suspensa(s). A porcentaxe das probas será a mesma que na primeira edición de actas. 

O alumnado que suspenda todas as destrezas e o alumnado que non se presente á primeira edición das actas será avaliado na segunda edición en xullo mediante unha proba única que terá as mesmas características que a proba do sistema de avaliación única da primeira edición das actas. Esta proba e computará o 100% da cualificación final. A proba única constará das seguintes partes: proba oral (25%), traballo escrito (25%), lectura e vocabulario (20%), escoita (15%) e gramática e uso (15%). A hora da proba oral será acordada co alumnado con antelación. 

O exame da segunda edición de actas, en calquera modalidade, terá lugar na data oficial aprobada pola Xunta de Centro. 

Para superar a segunda edición de actas, en calquera modalidade, o alumnado ten que aprobar todas as partes cunha porcentaxe mínima de puntuación (5/10) e unha nota final mínima de 5. No caso de non aprobar nesta segunda edición de actas o alumnado terá que avaliarse de tódalas destrezas no próximo curso. 

Durante a realización dos exames non se permite a utilización de dicionarios, ordenador, tableta ou conexión a internet ou outros medios electrónicos.