Este proceso de avaliación está deseñado para todo o alumnado que asista a clase regularmente. Excepcionalmente, aquelas persoas que non podan asistir ao 80% das sesións presenciais por algunha causa xustificada e demostrada documentalmente, deberán comunicalo por escrito ao profesorado da materia ao principio do cuadrimestre. Pasarán a ser avaliados mediante un exame escrito a final de cuadrimestre que suporá o 70% da nota e constará de exercicios de gramática (30%), vocabulario (20%) e escoita (20%). Haberá tamén un exame oral que contará como o 30% restante.

En calquera dos dous xeitos de avaliación, o alumnado debe aprobar todos os apartados da avaliación para aprobaren a asignatura. No caso de suspenderen algunha sección, ésta(s) poderán repetirse para a segunda edición de actas, en xullo, na que se poderán conservar as outras notas. No caso das presentacións e debates, a nova avaliación farase en forma de exame oral.

Durante o curso, o profesorado informará das datas de entrega de exercicios realizados fóra da aula e as actividades que formen parte da avaliación continua con antelación suficiente. A non entrega de ditos exercicios ou a non participación nesas actividades de aula contará como cero puntos. O plaxio total ou parcial suporá a anulación da nota correspondente.

O alumnado que non supere a materia mediante a avaliación continua poderase presentar en xullo para a segunda edición de actas. Nesta convocatoria faranse probas escritas e orais semellantes ás descritas ao final do primeiro parágrafo (exercicios de gramática: 30%, vocabulario: 20%, escoita: 20%, expresión oral: 30%).