A información sobre as
probas de avaliación, o seu formato, extensión, rúbrica de avaliación e canles
de entrega serán detalladas a través da plataforma Moovi. É responsabilidade do
alumno ou alumna estar atento á información subida e recompilar a información
específica e complementaria que sexa precisa para superar a materia.

AVALIACIÓN CONTINUA        

Será obrigatoria a
asistencia ás sesións prácticas nun 70% para cada un dos tres proxectos de
montaxe que inclúe a materia.

Para aprobar é necesario
conseguir alcanzar un aprobado tanto na “Exame de preguntas obxectivas” como na
media dos traballos entregados. Só se fai media nos traballos entregados cando
se aproba o proxecto 2. As entregas fóra de data, con erros en formato ou
nomenclatura do arquivo están suxeitos a unha redución do 50% da cualificación
dese traballo.

O “Exame de preguntas
obxectivas” poderá estar composta por contidos técnicos ou narrativos.

SEGUNDA OPORTUNIDADE E
FIN DE CARRERA

Os alumnos que teñan
aprobada algunha das partes da materia (a parte práctica: que contempla a media
dos tres proxectos ou proba test), poderán conservar a nota e só terán que
presentarse á parte suspensa.

Para superar a materia en
segunda oportunidade será necesario aprobar o exame de preguntas obxectivas e/o
entregar o proxecto 2 en formato editable en función da parte suspensa. No caso
do alumnado co bloque práctico suspenso, propoñeráselle a realización dunha
serie de modificacións sobre o proxecto 2 entregado, que deberá realizarse no
tempo establecido polo docente, non superior a tres horas.

SISTEMA DE AVALIACIÓN
GLOBAL

A avaliación global da
materia comprende un bloque teórico e un práctico cunha duración global de 5
horas. Será obrigatorio aprobar cada unha das partes de cada un dos bloques
para superar a materia:

O bloque teórico, cunha
duración de dúas horas, comprende unha parte técnica, mediante a realización
dun exame tipo test e unha parte narrativa, mediante a análise da montaxe dunha
das películas propostas durante o cuadrimestre e dacordo cos criterios de
avaliación aplicados durante o curso. Este bloque pondera un 40% da nota final.

O bloque práctico, cunha
duración de 3 horas, parte da entrega de dous traballos. O primeiro,
correspondente co proxecto 1 da materia, debe mostrarse en formato editable da
plataforma Davinci o día da proba e exportarse ao comezo da mesma previa
realización de modificacións leves. O resto da proba práctica dedicarase á
realización de modificacións achegadas polo docente sobre un proxecto 2 da
materia que se debe traer tamén montado e posproducido de vídeo e audio na
plataforma Davinci. O docente propoñerá a realización dunha batería de cambios
sobre a montaxe que debe de realizarse dentro dos tempos asignados á proba. O bloque práctico pondera un 60% da nota final.

É responsabilidade do
alumnado de avaliación global acceder a Moovi para consultar as fontes de de
información e académicas relativas á materia. En ningún caso terá dereito a
recibir docencia durante as sesións de titoría, que estarán encamiñadas
unicamente á resolución de dúbidas.

A data da proba da
avaliación global coincidirá coas probas do exame oficial en primeira e segunda
convocatoria.