Para a avaliación do alumnado o titor
académico terá en conta ao remate da práctica a seguinte documentación e
ponderacións:
1- Elaboración da memoria por parte do
alumnado segundo o contido que establece o regulamento de prácticas do centro
(suporá o 25% da nota).
2- Informe do titor na empresa/entidade onde
realizou o alumnado a práctica (suporá o 70% da nota).
3- Informe do estudante en prácticas (suporá o
5% da nota).
Se así o considera o titor académico pode
solicitar unha entrevista co alumnado.
A entrega da documentación por parte do
alumnado será como mínimo 15 días antes do peche das actas de cada
convocatoria. No caso de non superar a materia na primeira convocatoria, o
titor, tendo en conta a documentación achegada pola empresa ou entidade onde se
fixeron as prácticas e por o alumnado, decidirá sobre a maneira de superar a
materia na 2ª convocatoria, se é o caso.
Outros comentarios:
No caso excepcional de facer as prácticas nos meses de verán (xullo e agosto) deben rematar o derradeiro día hábil do mes de agosto.
É imprescindible para realizar as prácticas
curriculares estar matriculado nesta materia. O alumnado non poderá iniciar a
práctica sen que previamente exista un convenio de colaboración asinado entre a
entidade/empresa e a Universidade de Vigo e estar asinado o Anexo de
formalización das prácticas polas tres partes implicadas (titor académico,
titor na empresa/entidade e estudante).
Para a xestión das prácticas o alumnado ten
que dar de alta o seu número da Seguridade Social (NUSS) na Secretaría Virtual.
Este procedemento debe facerse ao inicio do curso académico.
Asistencia exames durante as prácticas
Durante a realización das prácticas externas o
estudantado poderá asistir á realización dos exames da titulación, se fora o
caso.
Recoñecemento de prácticas
extracurriculares por prácticas curriculares
Segundo estipula o artigo 19 do Regulamento de
Prácticas Académicas Externas do Alumnado da Universidade de Vigo (RPEAUV)
cando o estudantado o solicite, sendo a duración e o proxecto formativo
axustado ao plan de estudos e que cumpra coa normativa de prácticas académicas
externas as prácticas extracurriculares poderanse recoñecer e incorporarse ao
expediente académico como prácticas académicas externas curriculares. É
imprescindible que o alumnado manifeste e comunique ao coordinador de prácticas
do centro a súa intención de facer este recoñecemento no momento de asinar as
prácticas extracurriculares.
Recoñecemento de experiencia laboral ou
profesional por prácticas curriculares
Segundo o artigo 8 do RPEAUV o
estudantado poderá recoñecer as prácticas a partir da súa experiencia laboral
ou profesional. A experiencia profesional debidamente acreditada poderá ser
recoñecida por prácticas curriculares (300 horas), sempre e cando esta
experiencia estea relacionada coas ensinanzas universitarias do Plan de Estudos
obxecto de recoñecemento. Os estudantes nesta situación deberán comunicalo ao
responsable do programa de prácticas do centro, o cal indicaralle o procedemento
a seguir para o seu recoñecemento.
A experiencia profesional haberá que haberse
realizado como máximo nos últimos tres años previos ao recoñecemento das
prácticas, a contar dende a súa finalización.
