A innovación é unha disciplina que deben practicar todas as empresas, independentemente da súa dimensión ou do sector onde compitan. De aí a importancia de que se transformen os procesos de innovación tecnolóxica en procesos estratéxicos.
No contexto actual, o crecemento económico e a mellora do benestar non asenta apenas en crear novo coñecemento e novas tecnoloxías senón moi especificamente na capacidade para xestionar eficazmente ambos, póndoos en valor como recursos competitivos a través dos cales se podan crear novos produtos de mercado e procesos produtivos ou ben mellorar os existentes. Unha eficaz dirección e xestión de empresas vai hoxe en día indisolubelmente ligada, mesmo subordinada, á xestión da innovación e a tecnoloxía.
Con esta materia preténdese capacitar ao alumnado para levar a cabo actividades relacionadas coa xestión da innovación e a tecnoloxía en calquera tipo de organización.
