Como alternativa ao sistema de avaliación continua, os estudantes poderán optar por ser avaliados mediante un exame final que suporá o 100% da nota, composto tamén por unha banda teórica e unha parte práctica. Deberase obter polo menos 5 sobre 10 puntos en cada unha das partes. Neste caso, deberán solicitar á profesora da materia vía correo electrónico (naraujo@uvigo.es) ser avaliados por esta vía e renunciar á avaliación continua durante os 30 primeiros días hábiles desde a data de inicio do curso. A profesora enviará acuse de recibo do correo electrónico e aceptación do cambio de sistema de avaliación. Se non recibe un correo electrónico da profesora, a solicitude non será válida.

A puntuación obtida pola participación, así como a realización e entrega de todas aquelas tarefas establecidas pola profesora (casos, exercicios, supostos, parte teórica da materia), gárdanse para a segunda convocatoria (convocatoria extraordinaria, en xuño-xullo, segundo data do calendario oficial da facultade) do presente curso académico en caso de ser igual ou superior a 5, pero non se garda para cursos posteriores.

En caso de non superar a materia na primeira convocatoria, o alumnado poderá presentarse á convocatoria extraordinaria (ou segunda convocatoria, en xuño-xullo). Os alumnos que renunciaron á avaliación continua realizarán un exame con dous partes, teoría e práctica. Cada unha delas valerá o 50% da nota e será necesario obter un mínimo de 5 puntos sobre 10 en cada parte para superar a materia. 

O alumnado que siga avaliación continua durante o curso, deberá recuperar na convocatoria extraordinaria a/s  parte/s non superada/s (teoría e/ou práctica).As datas e programas das probas de avaliación das diferentes convocatorias son as especificadas no calendario de probas de avaliación aprobado pola Xunta de Centro para o presente curso.