O primeiro día de clase, o profesor expoñerá a planificación da materia e os horarios de titorías, e informará sobre as opcións de avaliación (CONTINUA OU GLOBAL), para que elixa a que mellor se adapte ás súas necesidades.
Asúmese avaliación continua, o rexeitamento desta e a elección da avaliación global comunicarase formalmente segundo a metodoloxía establecida para iso e publicada na páxina web.
Avaliación Continua (CE):
- O 20% das faltas inxustificadas supón a perda do dereito á CE, considerándose as xustificadas: realización de exames, presenza en órganos colexiados, ingreso hospitalario e baixa por enfermidade ou médica (achegando xustificante pertinente).
- A cualificación da CE obterase sumando as probas desenvolvidas na aula: SEMINARIO (10%), RESOLUCIÓN AUTÓNOMA DE PROBLEMAS (10%), EXAME DE PREGUNTAS OBXECTIVAS (40%), e finalmente EXAME PREGUNTAS DESENVOLVEMENTO (40%).
- O exame de preguntas obxectivas será de opción múltiple con 4 opcións de resposta única, cada erro resta 0,25 dos correctos.
- Deberase acadar unha nota mínima de 4/10 en cada metodoloxía para computar a avaliación continua, agás nos exames, que será de 5/10. De non acadar estas cualificacións, o alumno perderá a EC.
- Aqueles alumnos que non sigan ou perderan a CE serán cualificados mediante unha avaliación global.
Avaliación global (EG):
Realizarase un exame global que representa o 100% da cualificación da materia, na data oficial establecida e publicada na web.
Exame de opción múltiple de entre 80 e 100 preguntas, con 4 opcións de resposta. Cada resposta incorrecta resta 0,25 ao valor das correctas.
Para aprobar a materia é necesario acadar unha nota mínima de 5/10.
O exame realizarase na data establecida no calendario oficial e publicada na páxina web, nas AULAS 21 e 23.
2ª OPORTUNIDAD :
A non superación da materia en calquera das dúas modalidades (CE/EG) na 1a oportunidade implica que na 2a oportunidade optarase pola avaliación global.
MATRÍCULA DE HONRA:
Para discernir a matrícula de Honra no caso de idéntica calificación entre varios alumnos, utilízase como criterio de asignación o expediente académico da data en cuestión.
Compromiso ético:
Espérase que os estudantes mostren un comportamento ético adecuado. Se se detectan comportamentos pouco éticos (copias, plaxios, uso de dispositivos electrónicos non autorizados, etc.), considerarase que non reúne os requisitos necesarios para superar a materia. Nese caso, a cualificación final da primeira convocatoria será de suspenso (0,0), segundo a normativa vixente da UVigo. Non se permitirá o uso de ningún dispositivo electrónico durante as probas de avaliación salvo autorización expresa.
