Esta materia ocúpase da lingua instrumental centrándose no desenvolvemento das destrezas de Reading e Writing e na aprendizaxe de vocabulario e gramática asociados a textos académicos. Prestaráselles atención á comprensión e á expresión escrita, ás estratexias de cohesión e coherencia textual, aos tipos de texto, aos aspectos retóricos e de organización así como ao uso do vocabulario e gramática a través de diferentes temas e textos.
Para poder seguir as clases recoméndase posuír un nivel B1.2 de inglés (MCERL). O nivel, en competencias escritas e lectoras para superar esta materia ó final do cuadrimestre será B2 (MCERL).