O procedemento de avaliación descrito ata este punto é válido para o alumnado que opte pola avaliación continua e cumpra con todas as actividades, entregas e prazos previstos ao longo do cuadrimestre. A asistencia na modalidade de avaliación continua é obrigatoria. 

Para superar a materia na modalidade de avaliación continua será necesario obter unha puntuación total mínima de 5 puntos entre todas as actividades avaliables. A cualificación do apartado "observación sistemática" repercute na avaliación individual dos tres traballos en grupo.

En caso de que desexe optar por avaliación global, o alumnado deberá informar ao docente da súa renuncia expresa ao sistema de avaliación continua no prazo establecido polo centro para tal fin, axuntado cuberto e asinado o documento habilitado para tal fin. O procedemento de avaliación global é o descrito a continuación.

AVALIACIÓN GLOBAL DA MATERIA

A proba de avaliación global realizarase na data e horarios previstos polo centro no calendario de exames oficial. O estudante deberá superar todas e cada unha das probas de avaliación previstas que se detallan a continuación obtendo unha cualificación mínima de 5 puntos en cada unha delas. Dada a extensión das probas o alumnado que se acolla á avaliación global deberá dispor de 4 horas para a realización das mesmas a partir da hora oficial de inicio do exame da materia segundo o calendario oficial.

A avaliación global consta das seguintes probas:

Proba 1. Exame teórico da materia (40%)

Proba 2. Proba práctica de análise de métricas a partir dun caso facilitado polo docente (30%)

Proba 3. Ensaio sobre un informe de referencia do sector facilitado polo docente (30%)

A información sobre as probas de avaliación, o seu formato, extensión, rúbrica de avaliación e canles de entrega serán detalladas a través da plataforma Moovi. É responsabilidade do alumno ou alumna estar atento á información subida e recompilar a información específica e complementaria que sexa precisa para superar a materia.