ELECCIÓN DA MODALIDADE DE AVALIACIÓNO alumnado poderá optar por ser avaliado mediante o sistema de avaliación continua ou, alternativamente, por avaliación global. A modalidade que se aplicará por defecto será a avaliación continua. No caso de que o alumnado desexe acollerse á avaliación global, deberá comunicar a súa renuncia expresa á avaliación continua dentro do prazo establecido polo centro, presentando o formulario correspondente debidamente cuberto e asinado. A elección da avaliación global implica a renuncia a continuar participando nas actividades de avaliación continua pendentes de realizar, así como ás cualificacións xa obtidas en calquera das probas realizadas previamente.
AVALIACIÓN CONTINUAÉ o sistema de avaliación que se aplica ao alumnado no caso de non renunciar expresamente á avaliación continua. Ao longo do curso realizaranse as seguintes probas: - Exame de preguntas de desenvolvemento 1 (40%)
- Exame de preguntas de desenvolvemento 2 (40%)
- Traballo titorizado (10%)
- Autoavaliación (5%)
- Observación sistemática (5%)
Cálculo da nota da materia Para superar a materia, é imprescindible obter unha cualificación mínima de 4 sobre 10 en cada un dos dous exames de preguntas. No caso de non acadar esta nota mínima en algún dos exames, a cualificación final que se reflectirá na acta será a menor das dúas obtidas, sen que se sumen o resto dos compoñentes de avaliación. Se se acada polo menos un 4 en ambos exames, sumaranse as cualificacións obtidas no traballo titorizado, a autoavaliación e a observación sistemática para calcular a nota final.
2ª OPORTUNIDADEManteranse as cualificacións obtidas durante o curso nas actividades de avaliación continua: o traballo titorizado, a observación sistemática e a autoavaliación. Estas cualificacións non se poderán modificar nin mellorar. O alumnado só deberá repetir os exames de preguntas nos que non acadase a cualificación mínima de 4 sobre 10. O exame correspondente realizarase na data oficial establecida para a avaliación global da segunda oportunidade, segundo o calendario aprobado.
AVALIACIÓN GLOBALNo caso de renuncia expresa á avaliación continua, o alumnado será avaliado mediante un único exame que suporá o 100% da cualificación da materia. Dada a extensión da proba, o alumnado que se acolla á avaliación global deberá dispoñer de 3 horas para a súa realización a partir da hora oficial de inicio do exame segundo o calendario oficial.As datas e horas das probas de avaliación global (de primeira e segunda oportunidade) son as especificadas no calendario de probas aprobado pola Xunta de Facultade para o curso 2025/26. En caso de conflito ou disparidade entre as datas de exames, prevalecerán as publicadas na web da facultade: https://fcom.uvigo.gal/publicidad-relaciones-publicas/exames-publicidade-e-relacions-publicas/
NON PRESENTADOO alumnado que non participe nin na avaliación continua nin na avaliación global figurará na acta coa cualificación de "non presentado".
CURSOS SEGUINTES E FIN DE CARREIRANo caso de non superar a materia durante o curso 2025-26, o alumnado deberá matricularse de novo e adaptarse á guía docente vixente no curso correspondente, sen conservar ningunha das cualificacións obtidas previamente. Excepción: nos supostos de fin de carreira, aplicaranse os mesmos criterios establecidos para a segunda oportunidade.
RECOMENDACIÓNSA información sobre as probas de avaliación, o seu formato, extensión, rúbrica de avaliación e canles de entrega será detallada a través da plataforma Moovi. É responsabilidade do alumnado estar atento á información publicada e recompilar a información específica e complementaria necesaria para superar a materia. Recoméndase ao alumnado ter en conta o Título VII (Do uso de medios ilícitos) do Regulamento sobre a Avaliación, a cualificación e a calidade da docencia e do proceso de aprendizaxe do alumnado:https://secretaria.uvigo.gal/uv/web/normativa/public/show/565 |
