Estratexias Didácticas II: Autoavaliación, Crítica e Análise
Código
P02M066V12244
Titulación
Máster Universitario en Profesorado en Educación Secundaria Obrigatoria, Bacharelato, Formación Profesional e Ensino de Idiomas. Especialidade: Arte e Debuxo
A avaliación é un dos factores fundamentais na práctica docente, en tanto que permite non só valorar os resultados da aprendizaxe, senón tamén os propios procesos de ensinanza, favorecendo a formación dun profesorado crítico e con capacidade analítica. A avaliación é un fenómeno que require tanto dunha abordaxe cuantitativa como cualitativa, determinando actitudes e posicionamentos fronte a praxe educativa. Nesta materia traballaremos as tipoloxías, finalidades e etapas da avaliación en educación artística, prestando atención a súa relación con distintos enfoques metodolóxicos e as súas orixes históricas. A través da revisión teórica, o debate sobre as propias experiencias e coñecementos e a elaboración de recursos e ferramentas para a ensinanza, faremos un percorrido pola educación artística e a súa avaliación, tratando a especificidade das ensinanzas artísticas e musicais na educación secundaria.
