O estudante poderá optar por dous sistemas de avaliación: - AVALIACION CONTINUA: A asistencia sistemática, a implicación e a participación en clase son factores imprescindibles para a consecución dos obxectivos da materia. A actividade de docencia/aprendizaxe céntrase principalmente na resolución de traballos e exercicios na aula, polo que a asistencia puntual e participación en clase son factores imprescindibles para superar a materia. En consecuencia, e coa metodoloxía citada, establécese un sistema de avaliación contínua pola que cada estudante poderá coñecer a súa situación na adquisición dos obxectivos en relación a cada traballo desenvolvido e presentado. Os estudantes farán periodicamente na aula presentacións dos traballos e exposicións dos resultados durante o transcurso do cuadrimestre. A realización de todos os traballos propostos e a asistencia a clase é imprescindible para optar ao aprobado. O alumnado que non haxa realizado durante o cuadrimestre un mínimo de 8 dos exercicios propostos, na convocatoria extraordinaria deberá levar a cabo un traballo práctico específico, na aula de exame, relativo aos contidos da materia, ademáis de presentar os traballos suspensos ou non presentados levados a cabo durante o curso. - AVALIACIÓN GLOBAL: Os estudantes deberán presentar todos os traballos propostos durante o curso e o día da proba e realizarase un exercicio proposto nesa convocatoria. Os estudantes da CONVOCATORIA DE SEGUNDA OPORTUNIDADE (XULLO) presentarán os traballos e todos os exercicios esixidos durante o cuadrimestre e realizará un exercicio proposto nesa convocatoria. No caso de non superar a materia no prazo normal que marca a convocatoria común, a proba extraordinaria consistirá na repetición dos exercicios ou, noutros casos, nun maior desenvolvemento dos exercicios relacionados coas competencias que non foron acadadas no seu nivel mínimo esixido. Data e hora da proba de avaliación de segunda oportunidade (XULLO): consultar calendario publicado na páxina WEB da Facultade de Belas Artes (Grao en Belas Artes - probas de avaliación) http://belasartes.uvigo.es/gl/docencia/exames/
|
