Planificación Pública do Desenvolvemento Turístico é unha materia básica que se imparte no segundo semestre do terceiro curso do Grao en Turismo. Consta dun total de 6 créditos ECTS, que se
corresponden con 150 horas de traballo do alumno, das cales case 50 son actividades presencias, mentres que o resto serán actividades non presenciais.
Esta materia pretende iniciar ao estudante no coñecemento do papel das Administracións Públicas no sector turístico. Analizaremos cáles son os principios básicos das políticas públicas en relacion ó turismo, presentaremos a organización administrativa turística e os principais instrumentos de planificación e xestión turística cos que contan as Administracións Públicas. Finalmente, abordaremos a Análise Custo-Beneficio como técnica de avaliación de proxectos e políticas públicas en relación ó turismo.
A língua de impartición será o galego. Non obstante, a materia é English Friendly, con tutorías e posibilidade de acceder a materiales de apoio en inglés para o alumnado que o precise.
