Nestes últimos anos as empresas tiveron que transformarse a fin de adaptarse aos cambios imperantes (novas tecnoloxías, comunicacións, mercados, comercio, formas de traballo, fontes de financiamento, protección do medio ambiente, etc.) que aceleraron o proceso de globalización do sistema económico mundial. Todo iso está a orixinar importantes consecuencias para a actividade das empresas, que ven obrigadas, cada vez máis, a actuar nos mercados internacionais.
Por iso, é preciso estudar e coñecer os factores que conducen á globalización dos negocios e, sobre todo, as estratexias de desenvolvemento máis adecuadas para facer fronte a esta nova realidade. Entender e elixir a estratexia de entrada nos mercados exteriores conforme á identificación do distintos risco aos que se expón, coñecer a localización das actividades da cadea de valor, comprender as estratexias de comercialización dos produtos ou servizos, analizar o risco (país, político, económico, financeiro, administrativo,...) asociado á elección do país máis idóneo, así como a xestión da distancia cultural entre países, son algúns dos obxectivos desta materia.
