Esta materia introduce o alumnado nos fundamentos da realidade estendida baseada en proxección de vídeo (Spatial Augmented Reality), abordando tanto os principios técnicos como os procesos creativos de deseño de experiencias inmersivas. Ao longo do curso estúdanse os sistemas de proxección, a adaptación do contido ao espazo físico, a creación de contidos audiovisuais en tempo real e as estratexias de interacción mediante sinais e dispositivos externos. A través dunha metodoloxía baseada en proxectos, o alumnado desenvolve solucións de videomapping e instalacións interactivas, integrando ferramentas profesionais como Resolume Arena e TouchDesigner para dar resposta a necesidades reais de produción.
