A avaliación completa dos coñecementos e habilidades desenvolvidos polo estudantado realizaráse a través de probas de Avaliación contínua e un exame final escrito.

- Avaliación contínua: suporá un 60% da cualificación total e constará de actividades que se desenvolverán ao longo de todo o cuadrimestre (Cuestionarios on-line: 20%; Traballo individual ou de grupo: 30%; Cartafol/ dosisier: 10%)

- O exame escrito (40%)  consta de preguntas obxectivas, preguntas curtas, e cuestións tipo test. Realizaráse nas datas fixadas no
calendario de probas de avaliación aprobado oficialmente pola Xunta de Centro
da EEAE . Atópase publicado na páxina web http://aero.uvigo.es/gl/docencia/exames

Para superar a materia, será necesario acadar unha nota mínima do 40% en cada un dos tipos de avaliación (2,4/6 na avaliación contínua e 1,6/4 no exame escrito). No caso de non acadarse este criterio, a máxima cualificación que poderá acadar o alumno/a é un 4/10.

Para a avaliación correspondente á segunda edición da acta (xuño/xullo) o estudante que asistia con regularidade ao curso, e teña superada a avalización continua, poderá escoller entre manter a cualificación obtida nestas probas e realizar só o exame escrito cun valor do 40%,  ou renunciar a cualificación obtida na avaliación contínua e realizar un exame que avalíe a totalidade das competencias, cun 100% da puntuación. Esta decisión deberá comunicarse na forma e no prazo establecido polo centro ou polo profesorado da materia.

No caso do alumnado que non asistira ao curso, a avaliación realizarase en base á
nota dun exame final  para avaliar todas as competencias asignadas a esta
materia, cun 100% da puntuación.

CÓDIGO ÉTICO: Como membros da Universidade de Vigo, agárdase que o estudantado desta materia promova e comparta unha cultura ética e de integridade académica. Considérase que calquera intento de obter unha avantaxe académica por medios deshonestos ou inxustos é unha falta de integridade que resulta inaceptable.