Ferramenta de cálculo para determinar o factor de eficiencia enerxética estacional e o coeficiente de rendemento estacional en bombas de calor
| Data de defensa | 04/10/2022 |
| Titulación | Grao en Enxeñaría da Enerxía |
| Centro | Escola de Enxeñaría de Minas e Enerxía |
| Dirección |
Titoría: Jose Fernández Seara |
| Tribunal |
Vogalía: José Benito Vázquez Dorrío Secretaría: David Patiño Vilas Presidencia: Francisco Javier Deive Herva |
| Resumo | O desenvolvemento das enerxías renovables é imprescindible para combater o cambio climático. Nese aspecto, as bombas de calor desempeñan un papel fundamental e hai que ter en conta que para que sexan recoñecidas como renovables deben producir enerxía de maneira que esta supere de forma significativa o consumo de enerxía primaria necesaria para impulsala. As bombas de calor poden ser seleccionadas e comparadas en condicións nominais de deseño. Estas condicións de funcionamento poden avaliarse mellor mediante a determinación do Factor de Eficiencia Enerxética Estacional, SEERon, e o Coeficiente de Rendemento Estacional, SCOPon, que permiten tomar en consideración condicións de funcionamento máis representativas e as prestacións ás potencias de deseño. Xeralmente, as bombas de calor empregaban compresores de potencia fixa e para calcular estes valores de eficiencia seguíase a norma UNE-EN 14511. Hoxe en día, incorporáronse no mercado bombas de calor con compresor inverter, de potencia variable. Por iso, xurdiu a norma UNE-EN 14825, unha norma que proporciona as condicións de carga parcial e os métodos de cálculo para calcular o SEERon e o SCOPon a fin de cumprir as demandas de refrixeración e calefacción, respectivamente, en bombas de calor inverter. Debido aos diferentes tipos de unidades, ás condicións de carga parcial e aos diversos procedementos de cálculo, o obxectivo do proxecto foi elaborar una ferramenta de cálculo que permita determinar os rendementos estacionais para refrixeración e calefacción de recintos e que mostre automáticamente a súa etiquetaxe enerxética. No presente Traballo de Fin de Grao realízase unha análise dos procedementos de cálculo propostos na norma UNE-EN 14825 e a súa implementación na aplicación informática que permite determinar a Eficiencia Enerxética Estacional e o Coeficiente de Rendemento Estacional. Mediante o uso da devandita aplicación obtivéronse os valores de eficiencia enerxética estacional considerando unha bomba de calor real, marca Clausius, modelo Elite H 1-10 e, ademais, realizouse unha análise paramétrica para avaliar a influencia dos diversos parámetros de cálculo. |