Influencia da desnutrición nas lesións por presión en adultos
Data de defensa | 16/09/2022 |
Titulación | Máster Universitario en Nutrición |
Centro | Facultade de Ciencias |
Dirección |
Titoría: Lucas Carmelo González Matías Cotitoría: Reyes Luna Cano |
Tribunal |
Presidencia: Federico Mallo Ferrer Secretaría: José Luís García Soidan Vogalía: Manuel Portela Collazo |
Resumo | Introdución: As úlceras por presión (UPP) e a desnutrición son patoloxías prevalentes na nosa poboación e están asociadas entre si. Existen escalas que clasifican as úlceras segundo o grao de afectación dos tecidos e o risco de aparición de úlceras. Obxectivo: O obxectivo xeral deste traballo é analizar a evidencia científica actual para coñecer cal é a influencia da nutrición na aparición e evolución das úlceras por presión en pacientes adultos. Material e métodos: Realizouse unha revisión sistemática da literatura científica publicada sobre as úlceras por presión en pacientes adultos e como afecta a desnutrición a estes pacientes. Posteriormente realízase unha síntese narrativa dos artigos seleccionados. Resultados: Na revisión inclúense oito artigos publicados entre 2013 e 2022. Conclusión: A desnutrición é un dos factores de risco máis importantes asociados co desenvolvemento e a gravidade das úlceras por presión nos pacientes. A prevención das lesións por presión é máis importante que o tratamento, aínda que os resultados mostran que os pacientes con lesións por presión existentes reciben máis intervencións nutricionais que os pacientes con risco de padecelas. Para conseguir a prevención é importante realizar un cribado do estado nutricional, con diferentes ferramentas validadas. A evidencia científica sobre a eficacia dos suplementos de proteínas e aminoácidos é limitada. |