Desenvolvemento dun xemelgo dixital aplicado a un prototipo educativo dun tanque de procesos industriais.
| Data de defensa | 15/09/2022 |
| Titulación | Máster Universitario en Enxeñaría Industrial |
| Centro | Escola de Enxeñaría Industrial |
| Dirección |
Titoría: José Enrique Ares Gómez Cotitoría: Jorge Cerqueiro Pequeño |
| Tribunal |
Vogalía: Amador Rodríguez Diéguez Secretaría: Celso Fernández Silva Presidencia: Juan Enrique Pardo Froján Vogalía: Antonio Fernández Otero Vogalía: Manuel Doiro Sancho |
| Resumo | Un dos conceptos fundamentais da transición á Industria 4.0 é o xemelgo dixital, que pretende crear unha representación dixital fiel do obxecto ou sistema físico. Este xemelgo dixital, ademais de ser capaz de representar o comportamento do proceso real, debe ser capaz de facer predicións e melloras de cara á súa aplicación ao sistema, aforrando así tempo e recursos. Este traballo pretende desenvolver un xemelgo dixital utilizando metodoloxías recoñecidas, aplicándoo con fins educativos a un prototipo de tanque industrial que contén auga e que podería ser un tanque de refrixerante para procesos industriais de fabricación. Tamén se realizará o acondicionamento do tanque para crear o xemelgo dixital, cunha serie de elementos que nos permitirán implantalo, buscando mellorar e enriquecer o contido do devandito modelo. En primeiro lugar, partimos da definición de xemelgo dixital para analizar posteriormente o estado da arte correspondente. A continuación, explícase a metodoloxía proposta para a obtención dun xemelgo dixital susceptible de ser aplicado a diferentes procesos industriais reais, aplicando este método a un prototipo existente no laboratorio da universidade Munster Technological University, en Irlanda. Finalmente, elaborarase a documentación necesaria para atender a demanda da Escola de Enxeñaría Industrial da Universidade de Vigo con vistas á súa presentación académica. |