Deseño dun sistema de transporte de pezas de automción en fábrica con AGV.
| Data de defensa | 16/09/2022 |
| Titulación | Grao en Enxeñaría Mecánica |
| Centro | Escola de Enxeñaría Industrial |
| Dirección |
Titoría: David Suárez Eiroa Cotitoría: Natalia Cid Rodríguez |
| Tribunal |
Presidencia: Pablo Izquierdo Belmonte Vogalía: José Manuel Fernández Álvarez Secretaría: Jacobo González Baldonedo |
| Resumo | A empresa solicitante dedícase á montaxe de asentos de vehículos de diversas gamas, cuxas pezas deben ser transportadas dende un almacén ata a liña de produción. As pezas a transportar son as distintas pezas que compoñen un asento de coche. Este TFG consiste na optimización do transporte de pezas da empresa mediante o deseño dun sistema de transporte para as mesmas que se montará encima dun AGV. Este deseño está condicionado polos requisitos que dá a empresa, un deles é o uso de AGVs, tecnoloxía coa que está moi familiarizado. O principal obxectivo deste proxecto é a redución de tempos que non aportan valor engadido ao produto da empresa, que neste caso se dedica á montaxe de asentos de automóbil, ademais de reducir a man de obra humana necesaria para realizar estes labores de transporte. . En primeiro lugar, realízase un estudo sobre os distintos tipos de sistemas de transporte existentes no mercado e, tendo en conta as esixencias da empresa, escóllense os máis axeitados. A continuación, explícase a metodoloxía que se utilizará no proxecto, que consistirá nos diagramas de caixa negra e caixa transparente e a elaboración dunha táboa de alternativas, así como un posterior deseño conceptual do sistema de transporte e un deseño de detalle. Nos apartados seguintes aplícase ao sistema de transporte a metodoloxía antes citada, de xeito que se propoñan alternativas para cada subfunción que realice, finalmente escóllese a máis adecuada para esta problemática, seguindo os criterios propostos pola empresa solicitante. . Unha vez elixidas as alternativas, propóñense diferentes deseños conceptuais, ata que se elixe o deseño que presenta un rendemento óptimo. Así mesmo, como parte final do proxecto, deseñarase detalladamente a alternativa definitiva, e xuntaranse planos, orzamentos, cálculos e simulacións para xustificar o seu correcto funcionamento. |