Fly-VAR: deseño conceptual dun multicóptero para a retransmisión de eventos deportivos
| Data de defensa | 21/07/2022 |
| Titulación | Grao en Enxeñaría Aeroespacial |
| Centro | Escola de Enxeñaría Aeronáutica e do Espazo |
| Dirección |
Titoría: Luis Rodríguez Pérez |
| Tribunal |
Presidencia: Iván Carlos Area Carracedo Secretaría: Tomas Raimundo Cotos Yáñez Vogalía: Borja Conde Carnero |
| Resumo | A retransmisión dos eventos deportivos está a experimentar unha evolución permanente debido ás novas necesidades dos consumidores, implementándose ferramentas de apoio como a Sky-Cam no fútbol profesional ou o uso de drons nos deportes de motor. Ademais, vivimos a implementación da tecnoloxía VAR no fútbol profesional pero debido aos seus requisitos operativos a implementación desta no fútbol non profesional a día de hoxe esta en unha situación moi complexa. Este proxecto pretende resolver ambos os problemas, ofrecendo unha solución coa posibilidade de integrar ambas as tecnoloxías nunha aeronave non tripulada e usarse na retransmisión de eventos deportivos, en concreto, os encontros das categorías non profesionalizadas do fútbol. Durante o presente TFG estudouse as diferentes aeronaves, descartando as aeronaves de á fixa e centrándonos nas aeronaves de á rotatoria. Investigáronse as diferentes configuracións que existen nos multicópteros así como as súas principais vantaxes e inconvenientes, escollendo un dron de tipo octocóptero pola elevada capacidade para transportar un payload así como pola redundancia fronte a un posible fallo do motor. levado a cabo unha análise sobre os compoñentes principais das aeronaves non tripuladas e o funcionamento destes, buscando no mercado o compoñente que mellor se adapta ás nosas necesidades. Debido á elección final de compoñentes, o chasis escollido inicialmente non é compatible atopándonos así un problema que liquidamos realizando un deseño conceptual dun novo chasis alixeirado ao máximo posible e coa rixidez estrutural para soportar o elevado peso da nosa aeronave, comprobando dita rixidez estrutural mediante unha análise estática estando o dron en voo estacionario. Por último, realizouse a estimación da autonomía final do noso dron, sendo esta de máis dunha hora, cumprindo holgadamente co obxectivo fixado nos requisitos de deseño, e o cálculo do custo de fabricación e do prezo de venda unitario. |