Efecto da temperatura sobre as canles de potasio de doble dominio de poro (K2P) da subfamilia TREK en neuronas do ganglio nodoso.
Data de defensa | 18/11/2021 |
Titulación | Grao en Bioloxía |
Centro | Facultade de Bioloxía |
Dirección |
Titoría: José Antonio Lamas Castro |
Tribunal |
Presidencia: Alejandro Leonides De Carlos Villamarín Vogalía: M. Esther Barreal Modroño Secretaría: Juan Pérez Fernández |
Resumo | O ser humano, como animal homotermo, necesita detectar cambios na temperatura; faino grazas a neuronas termorreceptoras, células sensoriais do SNP que son estimuladas por cambios de temperatura. A transmisión de sinais depende do balance entre a actividade das canles TRP e outras canles, como as canles TREK, unha subfamilia de canles de potasio non dependentes de voltaxe, cuxa actividade se ve modulada, entre outros factores, pola temperatura. Este balance permite determinar que limiar de temperatura é compatible coas funcións normais do organismo. Neste traballo, mediante experimentos de canle individual, analizarase o efecto da temperatura sobre a cinética das canles TREK (probabilidade de apertura, duración media de apertura e amplitude) no ganglio nodoso, que agrupa somas de neuronas cuxos axóns viaxan a través do nervio vago transmitindo sensacións térmicas ao SNC. Tras realizar os experimentos observouse un aumento significativo da probabilidade de apertura, unha diminución significativa do tempo que permanece aberto e non se revelaron cambios na condutancia da canle. Concluíuse que a actividade da canle se incrementa, o que contribúe a hiperpolarizar a membrana, contrarrestando a acción despolarízante das canles TRP e diminuíndo a probabilidade de interpretar como nocivo un aumento de temperatura tolerable. Palabras clave: ganglio nodoso, potasio, temperatura, TREK, single-channel |