Condicións e ensaios preliminares dunha bomba de calor aire-auga segundo a norma europea EN 14511:2008
| Data de defensa | 16/11/2021 |
| Titulación | Grao en Enxeñaría Mecánica |
| Centro | Escola de Enxeñaría Industrial |
| Dirección |
Titoría: Jaime Sieres Atienza Cotitoría: Ignacio Ortega Veiga |
| Tribunal |
Secretaría: José Manuel Santos Navarro Presidencia: Rafael Comesaña Piñeiro Vogalía: Antonio José Vidal López |
| Resumo | O presente traballo pretende experimentar e avaliar o comportamento dunha bomba de calor aire-auga tanto en modo refrixeración como en modo calefacción en diferentes condicións ambientais. Para elo procederase ao cálculo e montaxe dunha cámara dentro da cal se situará a bomba de calor a estudiar, de xeito que se poida obter condicións climáticas normalizadas. Nos laboratorios de Máquinas e Motores Térmicos da Universidade de Vigo disponse dun pequeno banco de ensaios para poder ensaiar bombas de calor aire-auga en modo calefacción e refrixeración. Non obstante, os ensaios se realizaron nun laboratorio onde o ambiente non estaba controlado, o que daba lugar a que as temperaturas do aire utilizado como fluído de intercambio na bomba de calor non eran controladas e variaban entre distintos ensaios. Para poder caracterizar adecuadamente a bomba de calor é necesario poder manter o ambiente en condicións controladas e, preferiblemente, en valores normalizados para que os resultados obtidos sexan comparables cos doutros equipos ensaiados en condicións similares. Para levar a cabo este traballo, realizaranse as seguintes tarefas: -Recompilarase toda a información relativa á bomba de calor a ensaiar en canto a dimensións, materiais e condicións de funcionamento. -Se revisará a normativa referente a condicións e métodos de ensaio de bombas de calor que funcionan seguindo o ciclo de compresión de vapor, especialmente a normativa europea EN 14511. -Faranse os cálculos para a montaxe dunha pequena cámara que permita albergar a bomba de calor durante o seu análise, controlando as condicións ambientais nas que traballa. -Se realizará a montaxe e a posta en marcha de dita cámara, así como unha pequena campaña de ensaios preliminares que permitan caracterizar o funcionamento da bomba de calor e detectar deficiencias na concepción da cámara climática. -Por último, analizarase os resultados obtidos dos ensaios realizados e extraerán as conclusións principais do traballo realizado. |