Deseño, modelaxe e análise en Tekla da estabilidade dunha ponte histórica de aceiro exposto ás súas cargas correspondentes.
| Data de defensa | 16/11/2021 |
| Titulación | Grao en Enxeñaría Mecánica |
| Centro | Escola de Enxeñaría Industrial |
| Dirección |
Titoría: Manuel Cabaleiro Núñez |
| Tribunal |
Secretaría: Adrián Pérez Riveiro Presidencia: Pablo Izquierdo Belmonte Vogalía: Abraham Segade Robleda |
| Resumo | Este Traballo de Fin de Grao baséase nunha estrutura do ano 1885 destinada ao tráfico ferroviario, a cal se sitúa sobre o río Miño e conecta Ourense con Monforte de Lemos. Actualmente, no ámbito da enxeñería e a arquitectura, utilízase a tecnoloxía LIDAR pola súa adaptabilidade e precisión milimétrica. Realizarase unha análise da ponte mediante varias nubes de puntos creadas a partir dun equipo de escaneado láser para a súa medición no programa CloudCompare. Grazas a isto pódense extraer todas as medidas necesarias da estrutura para crear o deseño 3D. Para o deseño úsase o Tekla Structures, software BIM moi utilizado para construción co que se pode crear, administrar e compartir modelos 3D de diversos materiais. Cos valores medidos anteriormente e despois da realización de varios esbozos créase o modelo 3D, incluíndo a parte metálica da ponte e a de formigón dos piares. Unha vez terminado o modelo, o seguinte paso será a aplicación de determinadas cargas para comprobar a estabilidade da ponte e coñecer unha situación aproximada ao comportamento da estrutura na realidade. Esta simulación ten como obxectivo corroborar a resistencia da ponte ou se esa deformación provocaría algún sinistro nela. Ademais, con estes últimos resultados pódese analizar a parte máis solicitada, posibles puntos de deterioración ou corrosións futuras e pensar en posibles solucións. |