Análisis do deterioro das mostras nun Banco de Cerebros: revisión sistemática
Data de defensa | 05/11/2021 |
Titulación | Grao en Enfermaría |
Centro | Escola Universitaria de Enfermaría Meixoeiro |
Dirección |
Titoría: Francisco José Álvarez Aragón |
Tribunal |
Vogalía: María del Carmen Toucedo Estévez Secretaría: Anthony Rostron Presidencia: Jacinto Luis González Oya |
Resumo | Introdución: Os Bancos de Tecidos Neurolóxicos ou Bancos de Cerebros son "institucións", "facilidades" ou "establecementos" que clasifican, conservan e permiten dispoñer de material biolóxico para a investigación de enfermidades neurolóxicas e o seu obxectivo é proporcionar mostras aos grupos de investigación. Nos últimos anos co aumento de coñecemento sobre xenómica e proteómica, algúns destes grupos atopáronse mostras inservibles para os seus estudos. Por diferentes razóns a calidade do material xenético e proteínas extraídas das mostras non era suficiente, polo que algúns estudos puidéronse ver comprometidos. Con este traballo preténdese recompilar a información dispoñible acerca dos factores que poidan afectar á calidade das mesmas. Obxectivo: Analizar os factores que poidan afectar á calidade das mostras dun Banco de Cerebros Metodoloxía: Realizouse unha revisión sistemática durante os meses de abril, maio e xuño de 2021. A procura efectuouse nas bases de datos de ciencias da saúde PubMed, LILACS, Cochrane Library e Coiden. Resultados: Obtéñense 343 artigos entre as catro bases de datos que se reducen a 7 mediante criterios de inclusión e exclusión. Avaliáronse as variables PMD, estado agónico, sexo, idade, pH, causa da morte, grupo diagnóstico, tempo de almacenamento, técnica de corte e diferentes parámetros de eventos postmortem con respecto a diferentes medidas de calidade de mostras de tecido neurolóxico. Conclusión: Os cerebros mostraron menor calidade cando aumentaba a hospitalización ou a acumulación de eventos agónicos. O PMD influíu na calidade das mostras de tecido neurolóxico, aínda que non de maneira significativa. É moi probable que a idade de falecemento sexa unha variable que inflúa de forma negativa na calidade das mostras do mesmo xeito que a causa da morte.Do mesmo xeito que o xénero poida influír na calidade das mostras aínda que non sexa en gran medida, sendo as mostras procedentes do xénero másculino de mellor calidade. O pH inflúe na calidade das mostras de forma que conforme aumenta o pH do tecido aumenta a súa calidade e preservación. Palabras clave: brain bank, antemortem, postmortem, PMD |