Consumo de pescado e marisco na Dieta Atlántica Galega e a súa importancia na obesidade
Data de defensa | 15/09/2021 |
Titulación | Máster Universitario en Nutrición |
Centro | Facultade de Ciencias |
Dirección |
Titoría: Federico Mallo Ferrer Cotitoría: Manuel Portela Collazo |
Tribunal |
Presidencia: Federico Mallo Ferrer Secretaría: Lucas Carmelo González Matías Vogalía: Carlos Spuch Calvar |
Resumo | A dieta de Galicia caracterízase pola abundancia de alimentos de tempada, de produción local, pola elaboración sinxela e saudable e por dar protagonismo a peixes e mariscos. A preocupación pola saúde e a alta prevalencia da obesidade, onde os hábitos alimenticios teñen un papel determinante, dan relevancia á necesidade de que a poboación se alimente dun xeito equilibrado e de acordo coas súas necesidades. Peixes e mariscos compóñense de proteína de alta calidade e teñen, en xeral, una baixa densidade calórica; ademais son fonte exclusiva dalgúns nutrientes con importancia metabólica e hormonal, entre os que se atopan os ácidos graxos omega 3, diversas vitaminas ou minerais e compostos como o iodo, cinc, ferro, selenio ou taurina. Estes produtos da pesca, polo seu perfil nutricional, preséntanse como alimentos con potenciais beneficios tanto na prevalencia como no tratamento da obesidade. No contexto da Dieta Atlántica Galega este traballo afonda nalgúns dos nutrientes destes alimentos e o seu papel na obesidade. Palabras clave: Pescado, marisco, Dieta Atlántica Galega, obesidade |