Caracterización automática de manchas de psoriasis.
Data de defensa | 23/04/2021 |
Titulación | Grao en Enxeñaría en Electrónica Industrial e Automática |
Centro | Escola de Enxeñaría Industrial |
Dirección |
Titoría: Javier Martínez Torres |
Tribunal |
Vogalía: José Fariña Rodríguez Presidencia: Francisco Rodríguez Castro Secretaría: José Luís Camaño Portela |
Resumo | Co auxe da integración das novas tecnoloxías nos ámbitos sanitarios, faise cada vez máis frecuente a necesidade de buscar solucións que optimicen a capacidade diagnóstica e de xestión de tratamento dos pacientes para mellorar a súa calidade de vida causando o menor impacto posible. Por iso, neste Traballo Fin de Grao se propón unha solución diagnóstica e de seguimento da evolución da enfermidade para lesións de psoriasis baseándonos nos algoritmos de procesado de imaxe. Seguindo esta liña de traballo, establecerase unha estratexia de caracterización e extracción de parámetros de fotografías que poden ser tomadas polos propios usuarios sen necesidade de acudir a un centro médico, conformando unha alternativa rápida e cómoda ás consultas presenciais existentes. Deste xeito, e integrado nun soporte externo, o sistema encargarase de preparar a imaxe para eliminar aqueles elementos que non resulten interesantes para o diagnóstico como poden ser o pelo ou rexións de pel sá, este último mediante o emprego de marcadores adhesivos que delimiten a mancha no momento de tomar a fotografía. Posteriormente, detectaranse os contornos da lesión e procederase á clasificación en dous tipos: gota ou mancha, que son nos que se vai centrar esta solución de entre todos os existentes. Por último, procederase á extracción de parámetros relativos a niveis de intensidade das cores características, vermella e branca, servindo así de guía para os especialistas e podendo ser almacenados nunha base de datos para posteriores investigacións. Para probar a eficacia da metodoloxía e da solución proposta, unha vez se desenvolveron os algoritmos, vaise procesar una mostra de imaxes que nos permita comprobar o funcionamento esencial da aplicación e a súa viabilidade. |