Comprendendo como as características dos hábitats invadidos influen no rendemento de Carpobrotus edulis
| Data de defensa | 03/03/2021 |
| Titulación | Máster Universitario en Biodiversidade Terrestre: Caracterización, conservación e xestión |
| Centro | Facultade de Bioloxía |
| Dirección |
Titoría: Luis González Rodríguez |
| Tribunal |
Presidencia: Maria Jesús Iglesias Briones Secretaría: Gonzalo Benito Méndez Martínez Vogalía: José María Sánchez Fernández |
| Resumo | As especies exóticas invasoras supoñen un grave problema para os ecosistemas costeiros, que son sometidos de forma natural a unha gran variedade de perturbacións e ameazas que poñen en risco a conservación da súa biodiversidade. Entre estas especies está Carpobrotus edulis (L.) N.E. Br, unha planta suculenta orixinaria de Sudáfrica que actualmente coloniza estes hábitats ao longo de toda a costa española. Neste traballo estudouse como as características fisicoquímicas e biolóxicas de catro hábitats costeiros: dunas, cantís, zona perturbada e bosques mixtos de Acacia longifolia (Andrews) Willd. e Pinus pinaster Ait., inflúen na eficiencia fotosintética e no crecemento de C. edulis. 4 Os puntos de mostraxe distribuíronse ao longo da costa noroeste de España e Portugal, dende O Grove ata Afife, comprendendo os catro hábitats. As mostras procesáronse tanto no campo coma no laboratorio e realizouse unha análise estatística dos resultados. A planta é capaz de adaptarse ós diferentes hábitats costeiros, mantendo o seu rendemento e presentando unha ampla plasticidade fenotípica. Atopouse que esta especie tiña unha maior lonxitude de ramets nos bosques costeiros e un maior peso nos cantís. Por outra banda, a súa eficiencia fotosintética tampouco se ve afectada polas distintas condicións de cada hábitat. Pode facer fronte á intensidade de luz alta, propia dos cantís e das dunas e, ao mesmo tempo, soportar zonas de sombra moderada coma os bosques, a súa propagación incluso se ve facilitada reducíndose o estrés lumínico. Palabras chave: Carpobrotus edulis, hábitats costeiros, especies exóticas invasoras, rendemento, capacidade fotosintética. |