Aproveitamento de residuos do municipio de Boiro para a producción de biogás e a sua aplicación no mesmo concello.
Data de defensa | 25/02/2021 |
Titulación | Grao en Enxeñaría en Química Industrial |
Centro | Escola de Enxeñaría Industrial |
Dirección |
Titoría: María Asunción Longo González Cotitoría: María Salomé Álvarez Álvarez |
Tribunal |
Presidencia: Gloria Fiestras Janeiro Secretaría: Claudio Cameselle Fernández Vogalía: Ana María Rodríguez Rodríguez |
Resumo | Neste traballo de fin de grao procederase ao deseño dunha planta de biogás a partir dos residuos do concello de Boiro, máis específicamente, da fracción orgánica dos residuos sólidos urbanos, de lodos de EDAR, de lodos de depuradora e de esterco de coello. O documento da memoria describirá primeramente o obxectivo e a xustificación do proxecto, cun apartado específico dedicado á análise da problemática de residuos e unha descrición teórica do proceso de dixestión anaerobia e os seus diferentes sistemas de funcionamento, así como a caracterización e cuantificación dos residuos. Realizarase o deseño do reactor e determinaranse as condicións de operación do proceso, así como o tipo de limpeza e/ou purificación que necesita o biogás producido para poder ser utilizado. Realizarase tamén un estudo de redución de emisións. Finalmente, recollerase toda a bibliografía utilizada para a realización do proxecto. A memoria tamén contará con anexos nos que se recollerán os cálculos e procedementos non mostrados no texto principal. Realizarase tamén un plano no que se recolla o diagrama do fluxo do proceso. |