Incontinencia Urinaria Masculina: Eficacia da Rehabilitación do Chan Pélvico despois da Prostatectomía Radical.
Data de defensa | 18/02/2021 |
Titulación | Grao en Enfermaría |
Centro | Escola Universitaria de Enfermaría da Deputación Provincial de Pontevedra |
Dirección |
Titoría: Julio Diz Arén |
Tribunal |
Titoría: Julio Diz Arén |
Resumo | A incontinencia urinaria (IU) nos homes foi pouco estudada porque é menos frecuente que a IU feminina. En xeral, a IU é consecuencia da idade. E a súa principal causa son as enfermidades da próstata, especialmente despois da prostatectomía radical (RP). Para tratar a IU, lévase a cabo unha terapia de rehabilitación dos músculos do chan pélvico que combina exercicios de Kegel, retroalimentación, electroestimulación e outras técnicas. Obxectivo: Afondar na evidencia científica sobre a eficacia da rehabilitación do chan pélvico en pacientes masculinos con incontinencia urinaria despois da prostatectomía radical. Material e métodos: Levouse a cabo unha revisión bibliográfica de artigos científicos. A busca realizouse en PubMed, Cochrane Library, Scielo e Google Scholar, sempre empregando as palabras clave e seguindo os criterios de selección. Resultados: Seguindo os criterios de selección e tras unha lectura intensiva, seleccionáronse 18 artigos que afondan no tema a estudar. Conclusión: Aínda que é necesario realizar un estudo máis intensivo sobre a mellora da IU a través da rehabilitación do chan pélvico e crear un protocolo de actuación unánime co fin de evitar posibles discrepancias e erros sobre a súa eficacia, a rehabilitación do chan pélvico , especialmente combinado con outras técnicas e sempre iniciado canto antes, non só é máis eficaz para o tratamento da IU que o tratamento farmacolóxico, senón que tamén mellora a calidade de vida dos pacientes que se someteron a PR. Palabras clave: Eficacia, hipertrofia benigna de próstata, masculino, incontinencia urinaria, prostatectomía radical, rehabilitación do chan pélvico. |