A logopedia como medio para desenvolver a comunicación oral no alumnado de E.P con discapacidade auditiva
| Data de defensa | 23/02/2021 |
| Titulación | Grao en Educación Primaria |
| Centro | Escola Universitaria CEU de Maxisterio de Vigo |
| Dirección |
Titoría: Sandra Teresa Álvarez Ledo |
| Tribunal |
Vogalía: Alberto Santos Hermo Secretaría: Xoana Reguera López de la Osa Presidencia: José Roberto Soto Fernández |
| Resumo | RESUMO A logopedia é a ciencia que se encarga de previr, avaliar, diagnosticar e intervir educativamente en casos como: trastornos da linguaxe, a voz, a fala, a comunicación, a audición e a deglución. Perfílase como un medio para atender e complementar o traballo do especialista de Audición e Linguaxe no proceso de ensino do alumno con deficiencia auditiva. Por tal razón, o obxectivo xeral da presente investigación consiste en mostrar a importancia da logopedia como medio para desenvolver a comunicación oral no alumnado con discapacidade auditiva do nivel de educación primaria. A investigación é de tipo documental bibliográfico, o deseño empregado consta dos seguintes pasos: selección da bibliografía, organización do material e análise da información. A análise realizada ás fontes seleccionadas destaca a importancia da Logopedia como complemento do traballo que realiza o especialista de Audición e Linguaxe na atención do alumnado con deficiencia auditiva na etapa de Educación Primaria. Palabras crave: Logopedia, discapacidade, deficiencia auditiva, inclusión educativa. |