Selección de parámetros fisiolóxicos para o control de sistemas hidropónicos de plantas mediante machine learning
| Data de defensa | 19/02/2021 |
| Titulación | Máster Universitario en Biotecnoloxía Avanzada |
| Centro | Facultade de Bioloxía |
| Dirección |
Cotitoría: Pedro Pablo Gallego Veigas Titoría: M. Esther Barreal Modroño |
| Tribunal |
Vogalía: María Ángeles Sanroman Braga Presidencia: Diana Valverde Pérez Secretaría: Rosana Simón Vázquez |
| Resumo | O cultivo hidropónico está en pleno crecemento na actualidade, cada ano aumentan as publicacións e o número de especies que se cultivan mediante este sistema. A hidroponía permite cultivar baixo calquera clima, durante calquera época do ano e en calquera espazo. O cultivo hidropónico é un sistema complexo que depende de múltiples factores interrelacionados que precisan un control estrito. O propósito deste traballo foi identificar aqueles parámetros biolóxicos, cuxa sensibilidade permitira determinar dunha maneira rápida e eficiente desviacións do correcto desenvolvemento da planta, que supoñan perdas na produción. Os resultados obtidos desta revisión sistemática permiten concluír que, se ben na actualidade foi posible automatizar a toma de datos para a maioría dos parámetros abióticos, demostrase que non está automatizada a mesma para os parámetros fisiolóxicos. Os avances tecnolóxicos empregados na agricultura de precisión, poderían ser transferibles aos cultivos hidropónicos permitindo nos próximos anos o emprego de, por exemplo, sistemas de visión para determinar algúns dos parámetros fisiolóxicos, que permiten, a súa vez, optimizar as condicións de cultivo en hidroponía de múltiples especies vexetais, mediante as ferramentas de aprendizaxe automática. Cultivo sen solo, revisión, parámetros bióticos, sensores |