Estudo dinámico dunha grúa pico de pato empregando modelo acausal multicorpo
| Data de defensa | 11/12/2020 |
| Titulación | Grao en Enxeñaría Mecánica |
| Centro | Escola de Enxeñaría Industrial |
| Dirección |
Titoría: Marcos López Lago |
| Tribunal |
Secretaría: Manuel Cabaleiro Núñez Vogalía: Antonio Riveiro Rodríguez Presidencia: Rafael Comesaña Piñeiro |
| Resumo | Ao longo da súa historia, o ser humano sempre intentou deseñar todo tipo de instrumentos que facilitasen a súa vida. O desexo de intentar mover cargas cada vez máis pesadas, na construción, por exemplo, deu orixe aos primeiros mecanismos de elevación. Estes mecanismos evolucionaron co paso do tempo ata as grúas que hoxe coñecemos. Polo tanto, este traballo comezará explicando a orixe e evolución das grúas ata a actualidade. Despois farase un breve resumo dos principais tipos de grúas que existen actualmente e clasificaranse segundo o seu lugar de traballo. Unha vez que se coñezan os principais tipos de grúas, estudaránse as características xeométricas e técnicas da grúa pico de pato. Despois de describir as súas principais características, utilizarase o catálogo dun dos principais fabricantes deste tipo de grúa para calcular, a través de Geogebra, cada unha das medidas necesarias para a definición total do mecanismo. Con estas medidas e relacións xeométricas realizarase un deseño da grúa a través do programa Solidworks. Unha vez se deseñou e ensamblou cada elemento, este será exportado a Simulink a través da ferramenta Simscape Multibody Link. Finalmente, empregando as distintas ferramentas que ofrece Simulink, estudarase o comportamento dinámico da grúa deseñada. |