Análise e simulación dun sistema fotovoltaico. Como mellorar o seu rendemento empregando algoritmos de Seguemento do Punto de Máxima Potencia e análise da saída de potencia
Data de defensa | 19/11/2020 |
Titulación | Grao en Enxeñaría en Electrónica Industrial e Automática |
Centro | Escola de Enxeñaría Industrial |
Dirección |
Titoría: Manuel Pérez Donsión |
Tribunal |
Secretaría: José Antonio Alonso Rodríguez Presidencia: Carlos Garrido Suárez Vogalía: Daniel Villanueva Torres |
Resumo | Hoxe en día, o consumo de enerxía está a medrar exponencialmente. Debido a isto, é requerida una maior produción de enerxía. O principal problema é que os combustibles fósiles que se empregan para obtela, emiten moito CO2 e outros gases perigosos para a atmosfera. Como consecuencia, esta transformación está a producir cambios climáticos, que inclúen problemas coma a choiva ácida ou o aumento da temperatura arredor de todo o planeta. Polo tanto, as enerxías cuxos recursos son extraídos de recursos naturais coma o Sol ou o vento, están a ser desenroladas na busca dun consumo de enerxía sostible. O obxectivo deste Proxecto é levar a cabo toda a transformación da enerxía solar en electricidade e como se pode mellorar o rendemento empregando algoritmos de Seguemento do Punto de Máxima Potencia (MPPT), estudando os compoñentes do sistema e os seus modos de funcionamento. Por un lado, é importante falar sobre como a enerxía solar pode ser transformada en electricidade a través dun panel solar. Serán estudados os elementos e os materiais dos paneis solares. Por outra banda, os algoritmos MPPT son empregados para acadar o punto de máxima potencia do sistema controlando as variables para que o sistema traballe no Punto de Máxima Potencia (MPP). Ademais, serán estudados os tipos máis importantes de algoritmos MPPT para comparar as súas vantaxes e desvantaxes. Por outra parte, estúdanse en detalle os inversores dos sistemas fotovoltaicos. Un inversor é un mecanismo que transforma a enerxía producida en Corrente Directa (DC) en Corrente Alterna (AC) de tal xeito que poida ser empregada por outros dispositivos eléctricos. Esta tranformación é posible grazas a un proceso de indución electromagnética. O polo do imán xiratorio acércase á bobina de arame, creando una corrente inducida na bobina en dirección oposta á rotación do imán, creando Corrente Alterna. Como conclusión, estúdanse os erros da previsión solar que afectan á saída de potencia. Isto conleva factores coma a posición do Sol ou a orientación da placa solar que provocan cambios na saída de potencia. |