Repotenciación do Parque Eólico A Ruña
| Data de defensa | 19/11/2020 |
| Titulación | Grao en Enxeñaría Eléctrica |
| Centro | Escola de Enxeñaría Industrial |
| Dirección |
Cotitoría: Eloy Díaz Dorado Titoría: Camilo José Carrillo González |
| Tribunal |
Secretaría: José Antonio Alonso Rodríguez Presidencia: Carlos Garrido Suárez Vogalía: Daniel Villanueva Torres |
| Resumo | O Traballo de Fin de Grao presenta a situación actual do Parque Eólico A Ruña (A Coruña, Galicia) xunto co seu estudo de repotenciación, que consistiría na substitución dos equipos antigos cuxa produción e eficiencia é claramente inferior ás máquinas que se usan hoxe en día. Do mesmo xeito detallaranse os procedementos, traballo e operacións necesarias para o seu deseño e construción. En setembro de 1992, comeza unha campaña de medidas nos montes de Paxareiras, mediante unha rede de estacións meteorolóxicas de 10 e 40 metros de altura, a fin de caracterizar o recurso eólico na zona. Na devandita localización atópase o Parque Eólico de estudo, formando así, parte da rede dos primeiros parques eólicos galegos. Para a estimación do recurso eólico no emprazamento, utilizáronse os datos recollidos nas estacións meteorolóxicas ?A Ruña?, ?Currás? e ?Mazaricos?. Para calcular a distribución direccional de velocidades na localización concreta dos aeroxeradores e estimar a enerxía producida, recorreuse ao modelo computacional de fluxo de ventos WASP, desenvolto por RISO, empregando a curva de potencia do aeroxerador seleccionado ( N117 3.6 MW), facilitada polo fabricante. A simulación permítenos comparar o parque actual e o parque unha vez levada a cabo a repotenciación. Finalmente, inclúese a análise de viabilidade económica que inclúe o orzamento de todos os elementos que conforman a posta en funcionamento do devandito Proxecto. |