UVigo cos brazos abertos
Nome | UVigo cos brazos abertos |
Obxectivo xeral | Acoller ao alumnado estranxeiro de intercambio nos tres Campus universitarios de Uvigo. |
Obxectivo específico | Facilitar a chegada e a integración do alumnado estranxeiro de intercambio. |
Entidade promotora | VICEDECANATO DE RELACIÓNS INTERNACIONAIS DA FACULTADE DE TURISMO |
Data inicio | 24/10/2019 |
Data fin | 21/03/2022 |
Persoas destinatarias | |
Xuventude |
|
Descrición da actividade voluntaria | |
Perfil voluntariado | O alumnado debe ter coñecemento de idiomas, coñecemento sobre o funcionamento da ORI (Oficina de Relacións Internacionais) e dos servizos da Universidade de Vigo así como de información de interese sobre a cidade de residencia dos estudantes de intercambio. Dispoñibilidade horaria e unha actividade aberta cara outras culturas. |
Funcións voluntariado | 1. Recepción e acompañamento de alumnado estranxeiro. 2. Asesoramento e información. 3. Apoio á organización de actividades. |
Actividades | 1. Recepción e acompañamento de alumnado estranxeiro: - Previa á chegada, contactar vía e-mail co alumnado estranxeiro para presentarse antes de que emprenda a viaxe a Galicia. - Recoller aos estudantes estranxeiros asignados no aeroporto, estación de tren ou autobús en Galicia, tanto en Vigo, Ourense ou Pontevedra en función do campus onde reside a persoa voluntaria e acompañalos á ORI. - Acompañar ao estudante ao seu lugar de aloxamento. Se o aloxamento é provisional, apoio para buscar aloxamento definitivo. - Acompañar ao alumnado á facultade correspondente. 2. Asesoramento e información sobre os seguintes aspectos: - Os servizos á comunidade universitaria dos tres Campus. - Cursos de lingua e cultura española e galega. - Opcións de aloxamento nas cidades de Pontevedra, Vigo e Ourense. - Oferta cultural e de lecer da Uvigo. - Organismos públicos de interese: hospitais, policía, consulado, etc. 3. Apoio á organización de actividades: As persoas voluntarias apoiarán na organización de, ao menos, 3 actividades. - Ola! Festa de benvida. - Coñécenos. Visita ás cidades dos 3 Campus: * Vigo + Illas Cíes. * Pontevedra + Combarro. * Ourense + Ribeira Sacra. - Ata sempre! Festa de despedida. |
Ten contacto con menores | Non |
Tempo adicación | Para a realización as actividades sinaladas o voluntariado dedicaralle 30 horas. |
Lugar realización | As persoas voluntarias desenvolverán as actividades nos tres campus de Universidade de Vigo. |
Observacións | O alumnado recibirá unha formación sobre as funcións que vai desempeñar de 3 horas así como o material (incluídas nas 30 horas de acción). O voluntariado realizarase en 3 períodos: - Dende a última semana de agosto ata finais de outubro. - Xaneiro e febreiro. - Dende a segunda quincena de maio ata finais da primeira quincena de xuño. |
Coordinadores | |
Amelia Rodríguez Piña: María Teresa Arce Aramendi: |