Coa finalidade de institucionalizar a Aprendizaxe-Servizo (ApS), metodoloxía activa que consiste en que o alumnado aprenda facendo un servizo á comunidade e que adquira as competencias técnicas da titulación e tamén as xenéricas que teñen que ver co compromiso ético, a responsabilidade social ou o traballo en equipo.

Só se pode participar nun único proxecto na mesma convocatoria.
As iniciativas teñen que estar vencelladas ás materias que figuren no POD no curso académico 2021-22.
A metodoloxía de Aprendizaxe – Servizo debe aparecer recollida na Guía Docente da materia especificando a porcentaxe que vai representar na avaliación.
Todas as persoas que participen no proxecto terán que autorizar o tratamento de datos pola Universidade de Vigo recollido no Anexo II.

As solicitudes (anexo I e II) presentaranse a través da sede electrónica con destino á Vicerreitoría de Responsabilidade Social, Internacionalización e Cooperación desde o día seguinte da publicación ata o 20 de maio de 2021.
A persoa que presente unha candidatura deberá cubrir os documentos anexo I e anexo II publicados conxuntamente con esta convocatoria e presentalos, unha vez asinados como adxuntos a instancia xenérica (SXER) na sede electrónica da Universidade de Vigo (https://sede.uvigo.gal) indicando como asunto “Convocatoria ApS 2021”. Para a presentación electrónica deste procedemento, a sede electrónica da Universidade de Vigo dispón de instrucións de axuda que os/as solicitantes deberán observar en todo momento https://www.uvigo.gal/sites/uvigo.gal/files/contents/paragraph-file/202006/Guia_rexistro_instancia_xenerica_gl.docx.pdf.
No caso de dúbida, dificultades técnicas ou necesidade de máis información durante o proceso de presentación da solicitude, poderán dirixirse ao enderezo electrónico sede@uvigo.gal .

RESOLUCIÓN REITORAL, DE 4 DE XUÑO DE 2021, POLA QUE SE PUBLICA A LISTAXE PROVISIONAL DE SOLICITUDES ADMITIDAS DE PROXECTOS DE INNOVACIÓN EDUCATIVA EN APRENDIZAXE-SERVIZO