O programa Ignicia Proba de Concepto é unha iniciativa da Axencia Galega de Innovación (GAIN) que ten como finalidade poñer en valor e apoiar o desenvolvemento das aplicacións comerciais das investigacións xeradas polos centros de coñecemento galegos.

Ignicia ten os seguintes obxectivos:

• Facilitar a transferencia de resultados de investigación dende organismos de investigación ao mercado.
• Acelerar e mellorar os resultados nos procesos de transferencia tecnolóxica.
• Contribuír á rendibilización económica e social do investimento público en investigación.
• Detectar con prontitude proxectos con potencial innovador e de mercado.
• Apoiar o cambio cultural no ámbito científico.

O programa apoiará aqueles proxectos que aborden probas ou actuacións posteriores á obtención do resultado de investigación que se pretende explotar e que permitan validar unha tecnoloxía en condicións reais ou cuasi reais.

Os proxectos presentados deberán cumprir os seguintes requisitos:

• Estar situados nun TRL4 ou superior. (Niveis de Madurez da Tecnoloxía)
• Ter a capacidade de xerar resultados con aplicación na sociedade; estes resultados deberán ter potencial comercial e xerar retornos suficientes de acordo coas bases da convocatoria, independentemente do prazo no que estes se produzan.

No ámbito destes proxectos financiaranse os custos marxinais precisos para desenvolver as aplicacións comerciais dos proxectos seleccionados (validación técnica, estudos de mercado, análise de oportunidades comerciais e de negocio, contratación de persoal especializado, ...)

Os proxectos deberán:

• Abordar probas ou actuacións posteriores á obtención do resultado de investigación que se pretende explotar e que permitan validar unha tecnoloxía en condicións reais ou cuasi reais.
• Ter resultados con potencial de transferencia e de xeración de retornos económicos no curto e medio prazo.
• Contar con capacidade de xerar resultados con aplicación na sociedade.
• Estar promovidos por equipos comprometidos coa comercialización e a transferencia.

Este programa será canalizado e xestionado pola Oficina de I+D na nosa universidade.  Aqueles  investigadores/as  que  teñan  resultados  de  investigación  que  poidan  encaixar  nesta  convocatoria,  e estean interesados en participar, ou que precisen máis información, poden poñerse en contacto dende agora  connosco para ir orientando as posibles propostas. 

Contacto:

Jose Jato
otri6@uvigo.gal
986 811 943