Secretaría Uvigo

Axudas Juan de la Cierva- Incorporación_2020

TipoRecursos Humanos
Organismo convocanteMinisterio de Ciencia, Innovación e Universidades
CódigoJC-INCORPORACIÓN_2020
Enderezo formulario para solicitude onlinehttps://www.ciencia.gob.es/portal/site/MICINN/menuitem.dbc68b34d11ccbd5d52ffeb801432ea0/?vgnextoid=056fe027b89f5710VgnVCM1000001d04140aRCRD
Descripción

Convócanse 278 axudas para fomentar a contratación laboral de persoal doutor novo por un período de 3 anos para que afiancen as capacidades adquiridas durante unha primeira etapa de formación posdoutoral.

A convocatoria «Juan de la Cierva- Incorporación» diferencia dous trámites simultáneos:

  1. A presentación de candidaturas por parte do persoal investigador doutor aspirante que cumpra os requisitos exixidos pola convocatoria e que deberá tramitar persoalmente mediante o formulario electrónico de solicitude tal e como indican as bases da convocatoria, cuxo prazo comeza o 15 de decembro de 2020 e remata o 19 de xaneiro de 2021 ás 14.00 horas peninsular.
  2. A presentación dunha solicitude única por parte dos centros de I+D, Universidade de Vigo neste caso, coa relación de investigadoras e investigadores que presentan a súa candidatura cuxo prazo remata o 26 de xaneiro de 2021 ás 14.00 horas peninsular.

 

Requisitos

Deben ser consultados no artigo 65 da Resolución da Presidencia da Agencia Estatal de Investigación de 23 de novembro de 2020 (BOE 28/11/2020) pola que se aproba a convocatoria de tramitación anticipada, correspondente ao ano 2020, de diversas actuacións contempladas no Subprograma Estatal de Formación e no Subprograma Estatal de Incorporación do Plan Estatal de Investigación Científica y Técnica y de Innovación 2017-2020 entre as que están as Axudas Juan de la Cierva- Incorporación.

Documentacion

Proceso interno para poder presentar a súa candidatura pola Universidade de Vigo:

- Enviar o formulario interno para presentar candidaturas debidamente cuberto e asinado que aparece como adxunto a esta convocatoria antes do 15 de xaneiro de 2021 ás 15.00 horas

A documentación necesaria para presentar unha candidatura ás axudas é a sinalada nas disposicións específicas das axudas Juan de la Cierva-Incorporación que se indican na resolución de convocatoria realizada polo Ministerio (art. 64)

Observacións

Posto que a Universidade de Vigo, como centro de I+D, debe presentar unha instancia de solicitude xunto cunha relación de investigadoras e investigadores que presentan a súa candidatura, é imprescindible seguir as instrucións internas que se poden consultar no documento adxunto a esta convocatoria.

Documentos da convocatoria
Atrás