Secretaría Uvigo
.:: Portal de avisos da Universidade de Vigo ::.
A Vicerreitoría do Campus de Pontevedra ten a ben convidarvos a participar nos “Roteiros Ornitolóxicos” que se desenvolverán os vindeiros 10 e 18 de decembro. Con inscrición gratuíta, en cada unha destas xornadas realizarase un percorrido polo complexo intermareal Umia-O Grove dirixido a iniciar na observación de aves a todas as persoas interesadas.
Estas rutas ornitolóxicas levaranse a cabo entre as 9.30 e as 13.30 horas, con saída desde a marquesiña situada fronte á Facultade de Ciencias Sociais e da Comunicación do Campus de Pontevedra. A actividade está aberta en cada unha das xornadas a un máximo de 50 persoas e as prazas cubriranse por orde de inscrición. Esta pode realizarse a través do correo electrónico oma.po@uvigo.es, debendo indicar na mensaxe a data escollida.
En anexo envíase o cartel identificativo da actividade.
- Roteiros Ornitolóxicos [750.44 Kbytes]
- vic.pon@uvigo.es
- +34 986 802 080
- http://campuspontevedra.uvigo.es/