Secretaría Uvigo
.:: Portal de avisos da Universidade de Vigo ::.
Avaliación da satisfacción dos programas de doutoramento 2017
Información xeral
01-12-2017 ata: 20-01-2018Hoxe venres, 1 de decembro e ata o 19 de xaneiro do 2018 ábrese o prazo para realizar as enquisas de avaliación da satisfacción do estudantado cos programas de doutoramento da Universidade de Vigo do curso 2016/2017.
Trátase de dous cuestionarios diferentes: un deles destinado ao estudantado matriculado no 1º ano de doutoramento, no curso 2016/17, e o outro ao estudantado de 3º ano.
Os cuestionarios poden responderse en liña mediante unha aplicación informática de enquisas á que se accede a través dunha ligazón personalizada para cada estudante de doutoramento.
A enquisa é anónima e confidencial. O acceso personalizado en ningún caso quedará asociado ás respostas emitidas ao encher o cuestionario.
Para calquera dúbida, soporte ou apoio que precise pode dirixirse ao coordinador de calidade da Escola Internacional de Doutoramento, a través do enderezo electrónico eido.sec@uvigo.es ou do teléfono 986 130 113 ou, en todo caso, á Área de Calidade a través do enderezo electrónico enquisas.calidade@uvigo.es ou teléfono 986 811 988.
Este proceso de recollida da opinión resulta imprescindible para a mellora continua dos programas de doutoramento da Universidade de Vigo, polo que agradecemos a súa colaboración dun xeito sincero e responsable.
O director da Escola Internacional de Doutoramento
Antonio Pino García
- posgrao@uvigo.gal
- +34 986 811 950