As tecnoloxías electroquímicas están a gañar terreo no eido industrial pola versatilidade, facilidade de adaptación, e compatibilidade co medio ambiente. Exemplos senlleiros son a fabricación de produtos químicos a pequena escala, as tecnoloxías de membrana para o cloro-álcali, ou as novas xeracións de baterías de litio, pasando pola ampla variedade de sensores para monitoriza-lo medio ambiente.
No eido da industria metal-mecánica, de gran transcendencia no entorno de Vigo, o mecanizado electroquímico e os acabados superficiais (incluíndo depósitos cataforéticos) cobran especial relevancia polo volume de produción que comporta, e a especificidade da tecnoloxía empregada, da que os responsables non teñen unha formación básica dos principios de funcionamento. Esa carencia é a que se pretende suplir con esta materia, presentando ós alumnos os fundamentos, o estado actual de desenvolvemento, e os límites actuais do coñecemento en cada un dos campos que se tratan.
