É un traballo de carácter teórico e/ou práctico (experimental) sobre calquera aspecto relacionado coa Química, realizado por un alumno de maneira individual e supervisado por un membro do PDI. O traballo estará orientado á avaliación das competencias asociadas ao título. Polo tanto, no correspondente traballo, o alumno debe ter a oportunidade de desenvolvelas.
A fase final do traballo consistirá na elaboración e presentación dunha memoria escrita e a exposición e defensa pública diante dun tribunal dos resultados obtidos.
