Para superar a materia o alumno debe obter unha nota mínima de 3/10 nos
entregables propostos nas distintas actividades presenciais, exceptuando
os traballos tutelados que valoran as competencias transversais. En todo caso, a non superación dalgún dos entregables suporá a non superación da asignatura. Un alumno que realice mais do 20% do traballo total planificado será cualificado de acordo coa lexislación vixente e, polo tanto, non poderá figurar na acta NON PRESENTADO. En calqueira caso, a realización dunha das probas curtas, suporá a cualificación da materia. A cualificación final mínima para superar a materia é de 5 puntos sobre 10. Reproducir traballos ou copiar nos diversos items avaliados suporá a non superación da asignatura.
Valorarase moi positivamente a asistencia e participación nas leccions maxistrais e os seminarios. Así como a participación e interaccion entre profesor-alumno, os alumnos entre sí, etc, ao longo de todo o periodo de aprendizaxe.
Convocatoria de Xullo: Manterase a puntuación acadada no curso en cada un dos apartados entregables. Para o alumnado que non supere a asignatura en maio-xuño abrirase un prazo especial para recuperar os entregables non aprobados. En todo caso, o alumnado que non supera a asignatura na convocatoria de maio-xuño terá que realizar unha proba final de TODA a materia (40% do valor da nota global). |