1ª EDICIÓN DE ACTAS:
Os/as alumnos poderán optar por un dos seguintes sistemas de avaliación: 

a) Avaliación continua. Para someterse ao sistema de avaliación continua, o/a alumno/a deberá acreditar a asistencia a un 80% das sesións presenciais. 

A efectos de avaliación continua, consideraranse os aspectos seguintes: 

- Asistencia e participación activa do alumno nas sesións: 25%. 

- Exercicios prácticos: 25%.

- Probas tipo test: 50% (25%+25%).

As tarefas e probas de avaliación serán realizadas ao longo do correspondente período de docencia. A suxexión ao sistema de avaliación continua, mediante a realización das tarefas e probas escritas sinaladas, EXCLÚE A POSIBILIDADE DE SOMETERSE AO SISTEMA DE AVALIACIÓN FINAL, salvo que a/o estudante comunique á persoa que coordina a materia a súa renuncia ao sistema de avaliación continua se desexa optar polo sistema de avaliación final. 

b)Avaliación final. Aqueles alumnos/as que non se acollan ao sistema de avaliación continua ou renuncien ao mesmo, serán avaliados mediante un exame final consistente nunha proba escrita, relativa a todos os contidos, teóricos e prácticos, da materia. Dito exame representará o 100% da nota final. 

2ª EDICIÓN DE ACTAS (xuño/xullo):
Poderán acudir á oportunidade de xullo os alumnos/as que, téndose sometido ao sistema de avaliación continua ou ao sistema de avaliación final, non superaran a materia na primeira convocatoria, así como quen non se presentara.
De ter optado polo sistema de avaliación continua, as notas acadadas na mesma conservaránse para a convocatoria de xuño/xullo. Agora ben, se o alumno non supera a materia nesta última convocatoria, as citadas notas de avaliación continua non se conservarán, debendo, pois, ben someterse a un novo proceso de avaliación continua, ben optar polo sistema de avaliación final.